લોકસભાની ચૂંટણીના ચાર જૂને રિઝલ્ટ પહેલા વડાપ્રધાન નરેન્દ્ર નરેન્દ્ર મોદીએ રવિવારે તાબડતોબ સંખ્યાબંધ બેઠકો યોજી હતી અને નવી સરકારના 100 દિવસના એજન્ડાની સમીક્ષા કરવા માટે એક મેરેથોન મંથન સેશન કર્યું હતું. વડાપ્રધાન નરેન્દ્ર મોદીએ દેશમાં હીટવેવની સ્થિતિની સમીક્ષા કરી હતી તથા હોસ્પિટલો અને અન્ય જાહેર સ્થળો પર નિયમિત ફાયર અને ઇલેક્ટ્રિકલ સેફ્ટી ઓડિટની જરૂરિયાત પર ભાર મૂક્યો હતો. ચૂંટણી રિઝલ્ટ પહેલા મોદીએ અગાઉથી શ્રેણીબદ્ધ બેઠકો યોજીને પોતાના આત્મવિશ્વાસનો પરિચય આપ્યો હતો.